شوفو البنك الشعبي على حقارة داير مع موظفيه. عوض يحميهوم طلب منهوم مايجيوش للمقر المركزي باش يحمي غير المسؤولين

البنك الشعبي بين على واحد الرأسمالية متوحشة وحماية كبار موظفيه، فالوقت اللي أكبر الشركات العالمية بحال غوغل ومايكروسوفت دارو اجراءات لحماية موظفيهم وكاع سكان العالم.
البنك الشعبي ناض داير واحد المذكرة عممها على كاع الوكالات كيقول فيها للموظفين أنهم ممنوعين يجيو للمقر المركزي، واللي كان ضروري يجي خاصو يعلم بذلك يومين قبل، ويلا عطاوه الترخيص يجي.
هاد القرار خلق غضب كبير فأوساط موظفي البنك لي شافو أن البنكة عتابراتهم لا قيمة لهم ومافكراتش تحميهم وفكرات تحمي غير كبار الموظفين لي فالمقر المركزي.
البريد بنك نقابتو ناضت طالبات الرئيس المدير العام أنه يدير للموظفين الزجاج فالوكالات باش يحميهوم جزئيا، في حين أن بزاف ديال موظفي البنك الشعبي بغاو عطلة ثلاثة أشهر غير مدفوعة الأجر.
البنكات اللي خاصها تساهم وتفكر فااخروج من الازمة بينات على حقارتها، وبينات انه كيهمها غير لفلوس، رغم أن أزمة بحال هادي يلا تطورات راها غاتقضي على الناس وعلى الاقتصاد حتى هو يلا ماناضش كولشي ودار اليد فاليد.