بسبب “كورونا”.. بنعبد القادر لغا ندوة وطنية ديال هيئة المحامين فكازا كانت غاتكون اليوم

لغى وزير العدل المغربي، محمد بنعبد القادر، ندوة وطنية كانت غاتدار فنادي المحامين فكازا، اليوم الجمعة 13 مارس، بسبب فيروس “كورونا” المستجد، وقرر باش تعقد فنهار آخر غايتعلن عليه لاحقا.
الوزير طلب من نقيب هيئة المحامين فكازا، حسن بيراوين، باش يلغي الندوة، اللي كان حتى هو مشارك فيها، وهذشي “تنفيذا للتوجيهات الحكومية المرتبطة بالوضعية المستجدة”.
وكانت السلطات المغربية منعات الندوات واللقاءات اللي كايكونو فيها أكثر من ألف واحد فقط، ونادي المحامين أصلا ماكايستوعبش هذ العدد ديال الناس.