رفيق بوبكر باغي يهرس الطابو اللي كاين فالمجتمع على الشراب.. وكيعبر على العشق ديالو للطاسة بجميع الطرق..

رفيق بوبكر ما كيفلتش شي مناسبة باش يحاول يهرس الطابو لي عندنا فالمجتمع المغربي بالنسبة للشراب. وكان قال عليه واحد العبارة شهيرة وكتستعمل في الترولات اليوم وهي “هادشي كامل واقع وما نضربوش الطاسة”.
هاد اليوماين بوبكر نشر صورة على حسابو في انستگرام هاز كانيط ديال البيرا ومصور مع ممثل مغربي آخر فرحانين في بار في الكامبودج.
طبعا التعاليق كانت على صورة بوبكر رفيق زوينة، خصوصا أنه ممثل متصالح مع راسو وكيعيش حياتو بالطريق لي بغا بدون تعقيدات وما كيتسوق لحتى واحد.