رفيق بوبكر كيهرس الفكر المتخلف. حط تصويرة داير ماسك ومهلي فالحالة.. والمعلقين : تكرفصتي على وجهك ماشي فركستيه

كيف ديما، الممثل رفيق بوبكر كيدير الاستثناء بتصرفاتو وتصريحاتو.
البارح السبت حط تصويرة عبر حسابو الشخصي على انستگرام، وهو داير الغاسول لوجهو، ودوز ميساج زوين أن الماسكات والعناية بجمال الوجه ماشي حكر على العيالات بوحدهم.
وكتب نجم فيلم “قسم 8” في تعليقو على التصويرة “كنفركسو الحالة”، وبزاف ديال المعلقين جاوبوه “راك تكرفصتي على وجهك ماشي فركستيه”.
وبزاف ديال المعلقات عطاوه نصائح باش ملي يدير الماسك ديال الغاسول مستقبلا يخلي وجهو مجبد وميكمشوش باش يكون المفعول مزيان، ووجهو يبقى شاب ونافيهش التجاعيد.