عاجل. ممتهنة تهريب معيشي فمليلية ماتت بسكتة قلبية بعد ما سيزاو ليها الصلبيون السلعة. مصدر ل”كود”: كانت بلا سلعة ودخلات من هاد لبلاصة

علمت “كود” أن ممتهنة للتهريب المعيشي توفيت عشية اليوم السبت. وتتضارب الروايات حول سبب الوفاة. شي كيقول باللي داو ليها سلعتها وشي كيقول باللي هاديك السلعة ما داوهاش عند لمغاربة بل الصبليون ما خلاوهاش تخرجها.
مصدر من السلطات المحلية قدم ل”كود” رواية هاد الحادث. المصدر قال ل”كود” ان السيدة ما كانش معاها السلعة وباللي دخلات مع الستة و40 دقيقة فالعشية. هاد الوقت اضاف مصدر “كود” ماشي ديال التهريب المعيشي.المصدر اضاف ل”كود” انها ما دخلاتش من الباب اللي كيخصصوه لهاد التهريب المعيشي بل من الباب اللي كيدخلو منو المواطنين اي معبر حدودي ديال مليلية.
واكد المصدر ل”كود” انها تصابت بازمة قلبية وتهزات للسبيطار وماتت فيه.
الخبر سرى بسرعة بين ممتهني التهريب المعيشي الذين عبروا عن غضبهم، سيما والحالة الاجتماعية والاقتصادية المتردية التي يعيشها ممتهني التهريب المعيشي منذ بدء اغلاق الحدود.