فاتي جمالي كثرات من عمليات التجميل.. والجمهور عاوتاني كيشبهها بمايكل جاكسون

عارضة الأزياء فاتي جمالي كثرات من البراوات ووجها ولا بملامح مبدلة بزاف، وهادشي ولا واضح وضوح الشمس في نهار جميل.
هاد التغييرات خلات المتتبعين ديالها يشبهوها بالنجم العالمي الراحل مايكل جاكسون. التشبيه ماشي في الصوت ولا الشهرة، ولكن في الملامح لأن نيفها ولا رقيق بزاف والحناك داخلين والفم بارز.
وفي آخر لقاء ليها مع برنامج “hit radio” كانو معظم التعاليق على شكلها الجديد.
وكانت الممثلة لي ولات مغنية استعراضية قالت أنها مقتنعة بأي حاجة دارت وأن لاطاي ديالها “مانكان” وكاعما تحتاج البونج باش تبان عندها ترمة زوينة.