18 كوري تقاسو ب”كورونا” كانو فالحج.. ومنظمة الصحة العالمة كتحذر من التجمعات البشرية

تقاسو 18 كوريا بفيروس كورونا مؤخرا، وتبين أنهم كانوا راجعين من الحج فالأراضي الفلسطينية، وهذشي خلا إسرائيل تفرض قيود على الكوريين وتمنعهم من دخول بلادها.
وولبارح السبت، منعات إسرائيل الأجانب من مغادرة طائرة كورية حطات فتل أبيب، باستثناء الإسرائيليين للي فحصاتهم قبل ما يدخلو للبلاد.
ومازال متحدد كيفاش انتقلات العدوى للحجاج الكوريين ففلسطين، والسلطات رجحات بللي واقيلا واحد فيهم كان مقيوس بالفيروس فكوريا، وماشي عاد تقاس بيه، وبالتالي هذشي خلاه يلصق الفيروس فاللي معاه خلال الحج.
وإسرائيل سجلات حالة إصابة وحيدة كانت علنات عليها من قبل، وخضعات للحجر الصحي والعلاج اللازم.
منظمة الصحة كتحذر: تجنبو ما أمكن التجمعات البشرية الكثيفة
وكانت منظمة الصحة العالمية، فالموقع ديالها الرسمي، حطات مجموعة من النصائح بتحنب الإصابة بفيروس كورونا، أبرزها تجنب الاكتضاض والتجمعات البشرية والكثيفة، مع الحرص على وضع الماسك الصحي.
كيف حثات المنظمة على تجنب مخالطة المصابين بالالتهابات التنفسية الحادة محالطة حميمية، والمواظبة على غسل اليدين مرارا وتكرارا، كيف خاص المصابين بالالتهابات التنفسية الالتزام بآداب السعال، يعني الابتعاد بمسافة كافية على الناس وتغطية الفم بمنديل وغسل اليدين.