المحكمة أجلات محاكمة ناشط 20 فبراير يونس بنخديم

فأولى جلسات المحاكمة ديالو، أجلات المحكمة الإبتدائية بالرباط النظر في ملف يونس بنخديم، ناشط حركة 20 فبراير المعروف بتنظيمو لحلقية “الفلسفة فالزنقة”، حتى ل9 فشهر أبريل، بعدما تقدمات المحامية ديالو، نعيمة الكَلاف، بملتمس من أجل إعداد الدفاع.
وكتتابع النيابة العامة بنخديم بتهمة “السكر العلني والبين”، بعدما كان تشد خلال تنظيمو لنشاط “الفلسفة فالزنقة”، قرب ساحة البريد بشارع محمد الخامس فالرباط، ودوز 3 أيام تحت تدابير الحراسة النظرية.
وكان بنخديم، فتصريح ليه مع “كود”، نفى التهمة الموجهة ليه، واعتبر أن النيابة العامة تابعاتو بهذ التهمة باش تدير واحد التبييء قانوني، وتتجنب متابعتو بتهمة “التجمهر غير المرخص” اللي كان ممكن يخلي نشطاء وحقوقيين كثار يتضامنو معاه.