تاغازوت باي. لعنة تابعاه من 74 الى اليوم. هربات “البركة” ورفضات “كولوني كابيطال” وجاوه 4 شركات مغربية وضربات فيه بهاد القرار الغريب

لهاد المشروع تاريخ فشي شكل. تنزعات الملكية ف1974 من اصحابها وولى مساحتها 650 هكتار. فالاول كانت “البركة” السعودية وحدات باش دير مشروع سياحي كبير فاطار المخطط الازرق اللي كانت دعات ليه الحكومة٬ فيه 5 الاف سرير فمشاريع سياحية مختلفة. البركة” طارت ودخلات شركة امريكية اسمها “كولوني كابيطال”. بغات دير مشاريع غير هي اشترطات تاخد لكريدي من الابناك المغربية. الدولة رفضات. مشات فحالها ف2008.
من بعد دخلات 4 شركات مغربية 3 خاصة وحدة تابعة لصندوق الايداع والتدبير اي الدولة. هادو اقتارحو فنادق واقامات. خداو تصاريح عادية وتصاريح استثنائية باش يقدرو يزيدو فيلات فهاد المشروع اللي كان اصلا فيه غير فنادق.
دابا راه شي وحدين شراو فيلات كيف غاديين يديرو معاهم. شراوهم يعني حفظوهم وسجلوهم.
شي كيهدر على البناء فوق مساحات خضراء ولكن قرار قايد تاغازوت كيهدر على مخالفات فالتعمير وباللي حتى لوطيل ريجنسي زاد جوجت الغرف. يعني كلشي فشي شكل