اللجنة المنظمة للمعرض صادرات كتاب “صحيح البخاري نهاية الأسطورة”

صادرات اللجنة المنظمة للمعرض الدولي للنشر والكتاب، صباح اليوم الخميس، النسخ اللي بقات من كتاب “صحيح البخاري نهاية الأسطورة” لرشيد أيلال، واللي كانوا محطوطين فدار أبي رقراق.
وجا قرار المصادرة بعدما عرفات اللجنة أن الكتاب محطوط فالمعرض بشكل غير قانوني، وبللي عليه إقبال كبير بزاف.
وفتصريحو ل”كود”، قال أيلال بللي قرار المصادرة ماشي عادل، خصوصا وأن مجموعة من الكتب تباع بكثافة فالمعرض وماتماتش مصادرتها.
وحاولنا التواصل بمديرة المعرض، لطيفة مفتقر، باش تعطينا رأيها فالموضوع، لكن ماتلقيناش جواب.