علمت گود ان الجامعة الملكية المغربية لكرة القدم شرات 4 ديال الكيران مجهزين بتقنيات الحكم المساعد “الفار”، لي غادي تعتمدو في مباريات الإياب. وكشفت مصادر مطلعة ل”كود” أن الجامعة شرات هاد الكيران بمليار و200 مليون، أي 300 مليون لكل حافلة مجهزة بوسائل ومعدات الفار. وحسب هاد المصادر، فإن الحافلات غادي تكون مجهزة للماتشات ديال البطولة، ونقلها إلى الغرفة المركزية، اللي غادي تكون في مركز محمد السادس لكرة القدم. الجامعة مركزة كذلك على تثبيت الكاميرات في العديد من الملاعب الوطنية، باش تنقل الماتشات في ظروف مواتية بالنسبة إلى “الفار”. وسبق للجامعة أن نظمت دورات تكوينية لفائدة الحكام المغاربة، باش يكون واجدبن للعمل بهذه التقنية الجديدة في مرحلة الروتور من البطولة.
