طلبة 1337 فلقاءهم بلجنة بنموسى جبدو الراضي وطالبو باطلاق كاع المعتقلين: لا تحرير للطاقات بلا تحرير لكلام فالانترنيت وخاص القضاة يتجاوزو عاداتهم لقديمة

رسالة واضحة كانت من طلبة 1337 ديال بنگرير للجنة بنموسى المكلفة باعداد المشروع التنموي اللي خاصنا فالمغرب. رسالة هاد الطلبة. ما كاينة تنمية بلا ما يتحرر لكلام والهدرة فالانترنيت وما تبقاش العقوبات.
حساب هاد المدرسة العليا دعا لاطلاق سراح الصحافي عمر الراضي و”كولشي” اي كاع المعتقلين اللي تشدو فقضية عندها علاقة بحرية التعبير فالانترنيت.
هاد الطلبة كتبو “ما يمكنش نهدرو على تحرير الطاقات والروح المقاولاتية بلا ما نهدرو على تحرير الهدرة فالانترنيت. ما يمكنش نهدرو على هادي بلا هاديك” ما نساوش يوجهو رسالة للقضاة. هاد الرسالة فيها “القضاة حتى هما خاصهم يتجاوزو العادات لقديمة ديالهم”.
لجنة بنموسى كانت تلاقات مع هاد الطلبة باش تسمعهم وتعرف رأيهم على اش من مشروع تنموي محتاجاه لبلاد.