نساو حملة “مغتصب ومابغيناهش”.. سعد لمجرد وصل لرياض مع فريق عمل كامل مغربي والسواعدة فرحانين بيه -فيديو

المغني المغربي سعد لمجرد وصل البارح الاثنين لرياض لي غادي يدير فيها أول حفلة ديالو من بعد قضية الاغتصاب لي تشد عليها في فرانسا هادي 3 سنين.
التبركيكة لي جابت “كَود” أن لمجرد رجع خدم مع ليكيب ديالو 100% مغربية وهي نفسها لي كان كيخدم معاها قبل ما يتشد في فرنسا في 2016 وكل واحد شد طريقو.
وواخة كانت نايضة عليه في تويتر بهاتشاكَ “#نرفض سعد لمجرد في السعودية” وبعض المغردين وصفوه ب”المغتصب المقزز”، بان لمجرد البارح وسط المول والناس كيتصورو معاه وكياخدو معاه سيلفيات وفرحانين بيه.
الحفل غادي يكون غدا الأربعاء، والتذاكر طارو وتباعو في وقت خيالي، وهادشي كيأكد مرة أخرى أن الافتراضي لا علاقة له بالواقع، وان الدول العربية مكتعطيش اهمية كبيرة لقضايا الاغتصاب، وماعندهومش مشكل واحد متهم يجي يغني عندهم.