يخ منو عيني فيه.. القناة السعودية “Mbc5” غادي دوز حفل سعد لمجرد مباشرة

هاد السعوديين مامفهوميش بشكل نهائي. في عز الحملة لي نايضة على المغني سعد لمجرد ورفضهم ليه باش يغني في بلادهم ووصفوه ب”المغتصب المقزز” كاع، القناة السعودية MB5 غادي دوز الحفل ديالو مباشرة.
وكشفات القناة لي داخلة للمغرب من جهة الفن، من البارح الأحد، أن الحفل ديال لمجرد مع مريام فارس وفرقة ميامي غادي يتنقل مباشرة.
النقل الاستثنائي وبيع التذاكر لي طارو خلاو الهاشتاكَ يعاود يطلع في تويتر، وودابا كاين غضب كبير بين المغردين لي مافاهمينش شكون شرا هاد التيكيات في حين معظم السعوديين ماباغينوش.