واش بنكيران بالفعل قال على اعضاء لجنة بنموسى كيشككو فالدين؟ اللا. الفيديو واضح كيهدر على اعضاء وانتاقد غياب السياسيين والعلماء

واش بصاح عبد الاله بنكيران رئيس الحكومة السابق قال باللي كاع اعضاء لجنة بنموسى كيشككو فالدين؟ ابدا. الفيديو واضح. بنكيران ممكن يعاتب عليه الواحد توظيف هاد العبارة ديال التشكيك فالدين ولكن ما قالهاش على هادوك 35 عضو. بنكيران وظف كلمة “اعضاء”. كيقصد فيهم واحد او جوج بناء على كتاباتهم.
طبعا بنكيران عندو صحابو فهاد اللجنة هما عارفين باللي ما يمكنش يشكك فالدين.
بنكيران قال باللي اللجنة ما متوازناش. هو عاتب ان الفرنكفونيين فيها بزاف وانها خالية من السياسيين ومن العلماء
السياسي ممكن يخطأ ولكن ما خاصش تنسب ليه شي امور ما قالتها.هاد الفيديو سمعوه
بنكيران: تشكيلة لجنة بنموسى ما عجبنيش. فيه تيار واحد
Publiée par GOUD sur Dimanche 15 décembre 2019