بالفيديو. بنكيران كلاشى لجنة بنموسى: ما عجباتنيش وفيها تيار واحد واشخاص ديال التشكيك الديني

هاجم عبد الاله بنكيران رئيس الحكومة السابق اعضاء للجنة الخاصة بالنموذج التنموي٬ وقال اليوم الاحد فاختتام مؤتمر الاتحاد الوطني للشغل “لجنة بنموسى٬ في اشارة الى رئيسها شكيب بنموسى٬ ما عجباتنيش” وبرر هاد “ما عجباتنيش” بكونها “فيها تيار واحد” واشخاص ديال “التشكيك الديني” و”ما فيهاش توازن”.
هاد الشي خلى بنكيران يقول باللي خاص المقاومة “ماشي معنى هاد الشي خاصنا نستسلمو او نرجعو لبيوتنا” اضاف رئيس الحكومة السابق “اذا اقتضى الامر نخرجو من الحكومة ونمشيو للمعارضة” او “نؤديو الثمن كيكيأديوه الناس اللي كيدافعو على القيم والمبادىء فالمجتمع حنا مستاعدين”وهاجم “الاكابر” اللي كيعتاقدو انهم كيديرو اللي فصالح الشعب وفالاخير هاد الشعب هو اللي كيؤدي الثمن.
للتذكير فاللجنة ضمت 35 عضو فيهم 10 نساء. لجنة فيها كفاءات كبيرة بحال التراب…. غير ما فيهمش شي حد حرش. فيهم الفرنكفونيين… وتم اقصاء الاسلاميين وباقي الاحزاب الاخرى.
بنكيران: تشكيلة لجنة بنموسى ما عجبنيش. فيه تيار واحد
Publiée par GOUD sur Dimanche 15 décembre 2019
رابط الفيديو