من بعد البراءة من الخيانة الزوجية ومتابعتها بالتحريض على الدعارة.. نجاة الوافي خوات المغرب -تصاور

الممثلة نجاة الوافي مشات للكندا هاد السيمانة، وهي أول تسافيرة ليها خارج المغرب بعدما رفع عليها راجلها دعوى في المحكمة واتهمها بالخيانة الزوجية مع المخرج سعيد خلاف قبل ما تبرأها المحكمة.
نجاة حطات تصاور ديال الثلج وشاركاتهم مع المتتبعين في الكنوط انستكرام ديالها، وقالت أنها كتمنى يكونو فرحانين ومستمتعين.
ومن شهر ماي ماتفاعلات نجاة في الكونط ديالها، كانت مقاطعاه بعدما وقع لي وقع ونتض داك الصداع كامل.
View this post on Instagram
Beautiful classic music to share for this beautiful day Sunday hope u enjoy it
A post shared by Najat El Wafy (@najat_elwafy) on Dec 8, 2019 at 8:20am PST
وكان وكيل الملك بمحكمة عين السبع كمل جلسات تقديم الفنانة نجاة الوافي والمخرج سعيد خلاف، وتابعهم بالتحريض على الدعارة وفق الفصل 502 من القانون الجنائي، بدل تهمة الخيانة الزوجية اللي رفع راجل الفنانة في شأنها. وهاد الشكاية أدت لإيقاف الممثلة والمخرج فدار في المعاريف.
متابعة النيابة العامة للمتهمين تبنات على ميساجات في تلفون صيفطاتهم الوافي للمخرج خلاف، قالو انها كتبين وجود علاقة حميمية بيناتهم، وشهادات أكدات ترددهما على الشقة لمدة طويلة.
القضية خرجات جدل كبير، بين الناس لي كيقولو ان الدولة ماخاصهاش تدخل فالحياة الشخصية ديال الفرد، يخون ولا مايخونش داكشي بينو وبين شريكو، والناس لي مأيدين هاد القوانين القروسطية.