أوشن بدا فخدمتو.. عيط ل12 مدرب باش يدير ليهم سطاج

روبيرت اوشن، المدرب التقني للجامعة عيط ل12 مدرب، باش يدوز ليهم سطاج غدا الاثنين بالمركز الوطني بالمعمورة.
اوشن انتظر 4 أشهر باش يبدا فعملية اختيار المدربين، لي عندهم المعايير باش يدربو المنتخب الوطنية، وفيهم لي غادي يكونوا مؤطرين بالمراكز الجهوية.
الاختبارات غادي تبدا الاثنين وغادي تستمر حتا الخميس الجاي، وفيها تمارين تطبيقية ونظرية، ومن بعد غادي يختار المدربين والمساعدين لمنتخب أقل من 15 و17 و19 سنة.
روبيرت اوشن غادي يبدا يجرب 12 مدربا قبل ما يختبر وحدين أخرين فالدفعة الثانية باش يختار المؤطرين، لي غادي يخدمو معاه بالإدارة التقنية.
المدير التقني استدعى 30 لعاب من فئة الفتيات باش يدخلوا فتجمع المعمورة، لحقاش هو ما لي غادي يعتمدوا عليهم أثناء الاختبارات التطبيقية.