المنتخب غادي يلعب مع الغابون وبنعطية حاضر

المنتخب الوطني غادي يلعب مع الغابون فأكتوبر جاي، استعدادا الماتش ديال موريتانيا في نونبر المقبل.
وكشف مصدر جامعي ل”كود”، أن المنتخب المغربي غادي يلعب مع ليبيا رسميا، وحتا الغابون بقات غير بعض التفاصيل الصغيرة باش تتوقع الكونترا.
المدرب البوسني وحيد خاليلوزيتش اختار ليببا، لأن منتخبها كيلعب بحال منتخب موريتانيا وباغي الغابون لحقاش عندو لاعبين محترفين وكيلعبو بسرعة.
هاد الماتش بغاه خاليلوزيتش باش يعرف اللعابة لي يمكن الاعتماد عليهم فالماتشات جاية، خصوصا أمام موريتانيا.
المدرب البوسني باغي يلعب مع منتخبات قوية، لأن اللعابة ماكنوش في المستوى المطلوب فمباراتي بوركينافاسو والنيجر.
لهذا ممكن توقع شي تغييرات في لاليست، لي غادي يحددها في بداية الشهر جاي، وما شي بعيد عيط خاليلوزيتش على بعض اللعابة، لي مكانوش في الكونصونتراسيون الاول، بحال المهدي بنعطية، لي رجع كيلعب مع فرقتو الدحيل القطري، بعدما شفي من الإصابة، وربما غادي يعيط خاليلوزيتش حتا على مروان داكوسطا، باش يشوفو فالماتشات جاية.