السعوديين مازال رافضين سعد لمجرد يغني فبلادهم وهو رافض فكرة إلغاء الحفل الفني

المغني المغربي سعد لمجرد رافض فكرة الغاء الحفل ديالو في السعودية نهار 18 في هاد الشهر واخا هاشتاكَ “#نرفض سعد لمجرد في السعودية” مازال طالع فالترند ديال تويتر.
مصدر “كود” أكد أن “لمعلم” متشبث بإحياء الحفل وكيوجد ليه باش يعلن على رجوعو للحفلات من بعد 3 سنين ديال المنع بسبب قضايا الاغتصاب والاعتداء الجسدي لي مرفوعين عليه في فرنسا.
وأكد مصدرنا أن لمجرد مخلوع وخايف من رد فعل الجمهور ملي يطلع للخشبة، ولكن ماباغيش ينسحب ولا يتراجع ومصمم باش يمشي ويطلع ويغني ويشوف تفاعل الجمهور معاه بشكل مباشر عوض العالم الافتراضي والتغريدات.