ها فوقاش غادي يدير خاليلوزيتش ندوة صحافية

وحيد خاليلوزيتش، الناخب الوطني، غادي يدير ندوة صحافية نهار الأربعاء الجاي بقاعة الندوة بالمجمع الرياضي الأمير مولاي عبد الله بالرباط.
الندوة غادي تنطلق مع 11 ديال صبح ويقدر يتكلم فيها على بزاف ديال الحوايج بخصوص استعدادات المنتخب المغربي للماتشات بجوج ديال موريتانيا وبوروندي ف التصفيات الإفريقية المؤهلة إلى نهائيات كأس إفريقيا للأمم 2021.
وكشف مصدر مطلع، أن خاليلوزيتش غادي يستغل هاد الندوة باش يوضح شي نقاط متعلقة بقضية امين حارث، لي ما عيطش ليه رغم تقديمه مستويات كبيرة، ويمكن يتكلم على اعتزال عبد الرزاق حمد الله، هداف النصر السعودي.
خاليلوزيتش عيط ل25 لعاب باش شاركوا في الماتشات بجوج.