امل الله اسمع لخاليلوزيتش وجا للمنتخب

سليم املاح امل الله، اللاعب المغربي في صفوف ستاندار دولييج التحق بالمنتخب المغربي في التجمع التدريبي لي كاين في طنجة.
بعدما غاب امل الله على الكونصونتراسيون ديال الرباط وجدة، بسبب الإصابة، جا لطنجة البارح السبت باش يلتحق باللعابة، لي غادي يلعبوا الماتش ديال الگابون نهار الثلاث في ملعب طنجة استعدادا للماتشات بوجوج ديال موريتانيا وبوروندي، لي غادي تكون في نوفمبر جاي.
وحيد خاليلوزيتش لمح إلى أن أمل الله كيواجه ضغوطات من عند فرقتو والاتحاد البلجيكي وطلب منو يجي على الأقل يتعرفو عليه اللعابة ويشوفو الطيب.
امل الله يعد حاليا من المواهب الصاعدة في بلجيكا وهو لا يتعدى 22 عاما وباغيه بزاف المدرب وحيد خاليلوزيتش هو وأمين إحاترين.