خاليلوزيتش حط 45 لعاب ف “بري سيلكسيون” و10 من الوداد والرجا

الناخب الوطني وحيد خاليلوزيتش حط 45 لعاب في لاليست بري سيلكسيون للماتشات ديال موريتانيا وبوروندي في الإقصائبات المؤهلة إلى نهائيات كأس إفريقيا للأمم المقررة في الكامرون ف 2021.
خاليلوزيتش بدا كيتصل بالفرق المغربية والأوروبية باش يوضعوا اللعابة المدعوين رهن إشارة المنتخب المغربي في بداية من 4 ف الشهر جاي.
البوسني حط 10 ديال اللعابة من الوداد والرجاء البيضاويبن، 6 من الفريق الأول و4 من الثاني.
واللعابة لي محطوطين ف بري سيلكسيون، هم الحارس أنس الزنيتي وبدر بانون، وحميد أحداد وعمر بوطيب من الفريق الأخضر، ويحيى جبران وأشرف داري،د وإسماعيل الحداد ويحيى جبران وبديع أووك ثم محمد الناهيري من الوداد البيضاوي، بالإضافة إلى لاعبين من حسنية أكادير ونهضة بركان.
المنتخب المغربي غادي يعرف تغييرات في اللائحة، لحقاش بزاف ديال اللعابة غادي يرجعوا بعدما استرحعوا إمكانياتهم الفنية والبدنية بحال رومان سايس وحكيم زياش ونصير مزراوي ويونس بلهندة.
المنتخب الوطني غادي يلعب كونتر منتخب موريتانيا 15 نونبر بملعب المجمع الرياضي الأمير مولاي عبد الله في الرباط ونهار 19 مع بوروندي.