البوليس گال كلمتو…32 الف “بيي” فقط للديربي…والثمن بين 50 حتا ل 300 درهم

البوليس گال كلمتو ف عدد التذاكر المخصصة الديربي، اللي غادي يجمع الرجاء البيضاوي بغريمه الوداد السبت جاي بملعب مركب محمد الخامس في الدار البيضاء برسم ذهاب ثمن نهائي كأس محمد السادس للأندية العربية.
بعدما كان متوقع تطبع 45 الف تذكرة، قررت السلطات الأمنية في نهاية المطاف الاستقرار على 32 الف فقط، لحقاش الرجاء عندها 13 الف مشترك. لكن الوداد غادي يستافد أكثر ف الماتش ديال الروتور، لأنه غادي يطبع 36 الف “بييي”، لتوفره على 9 0لاف مشترك فقط، وهو ما يعني أن عدد الجمهور سيصل إلى 45 الف مشجع، على حساب الطاقة الاستيعابية للملعب.
الرجاء البيضاوي حدد ثمن ديال تذاكر الديربي في 50 درهما للمدرجات العادية، 100 درهم للمغطاة، و300 درهم للمنصة الرسمية.
ومن المنتظر أن يطرح الرجاء البيضاوي التذاكر للبيع في النقاط المخصصة غدا الأربعاء سواء عبر الشبابيك أو الانترنيت. وما شي بعيد أن هاد الديربي غادي يحطم الرقم القياسي، سواء ف عدد الجماهير، اللي غادي تدخل التيران، أو ف المداخيل المالية.