السيبة هادي. قضية “حمزة مون بيبي”.سكينة كلامور رجعات دير سنابات ولايفات في انستكرام واخة في الحبس

البارح رجع الكونت سناب شات ديال سكينة كلامور.
الحساب لي مولاتو في الحبس في قضية عصابة “حمزة مون بيبي” لي متهمة بالابتزاز والتشهير، قالت أن “سكينة بيخير وعلى خير وغدا (اليوم زعما) غادي دير لايف مع 7 العشية”.
هاد السناب خلا كلشي كيتساءل واش خرجات من الحبس، قبل ما يتم نشر سناب ثاني كيوضح أن الكونت تكلفات بيه أختها وهي لي غادي تبقى تخدم بيه. يعني لي كونت ديال كلامور غادين يرجعو يخدمو واخة هي في سجن الوداية.

ومن نهار تفرتكات قضية “حمزة مون بيبي” والمشاهير وحتى بعض ناس العاديين ارتاحو، ومبقاش تبزنيس والتهديد، كل واحد حاضي حياتو ومهني الوقت.