قضية “حمزة مون بيبي”.. سكينة كلامور يوماين قبل ما ترجع للحبس طلقات ماركة ديالها وكتوجد تخل ريسطو فقلب مراكش

الشرطة القضائية ديال مراكش قرقبو البارح على البلوگوز سكينة كلامور ودخلوها للحبس في قضية عصابة الكونطات باسم “حمزة مون بيبي”.
يوماين قبل من قرار غرفة المشورة ، سكينة طلقات ماركة ديالها سميتها “كلامور” ديال الشفران، وكانت كتقلب على ديبو في طنجة باش تبيع للناس ديال الشمال.
سكينة لي مشتبه فيها انها كانت مترأسة عصابة لي كيعيرو ويسبو فالناس ويفضحو فيهم، خدامة على راسها مزيان لدرجة كانت كتوجد تفتح ريسطو وسط مراكش. وهادشي كيتطلب بزاف ديال الفلوس صعيب يجيو غير من البلوكينگ، خصوصا هي معندهاش شي خدمة فيكس لكن عايشة اللوكس ديال “فريع الفاروعي” كيف كتقول هي.
دابا بعدما دخلات للحبس صفحاتها توقفو، وحتى لي كانت معاطية معاهم سدو موضوعها وكلشي ضرب الطم.