جبران واجد لماتش الجزائر والكرتي وباعدي غادي يلتحقوا بمنتخب عموتة غدا

يحي جبران لاعب المنتخب المحلي واجد للماتش ديال الجزائر نهار السبت جاي بالملعب البلدي في بركان ضمن الإقصائيات المؤهلة إلى نهائيات كأس إفريقيا للأمم 2020.
جبران شارك في الحصة التدريبية الاخيرة وبان بلي رجع إمكانياته هو ومحمد الناهيري وبديع أووك وحميد أحداد كان عندهم شوية ديال العياء.
المنتخب المحلي كيتدرب فملعب السعيدية بحضور جميع اللاعبين، ودار اليوم الجمعة حصة تدريبية خفيفة قبل الماتش، لي غادي يكون غدا السبت كونتر رديف منتخب ليبيا بالملعب البلدي فبركان.
المنتخب المحلي غادي يكون مكتمل الصفوف غدا السبت فالعشية بعد التحاق الحارس أنس الزنيتي ووليد الكرتي وأسماعيل الحداد ومحمد الناهيري.
هادو ما غاديش يمشيو مع المنتخب الأول لطنجة لخوض مباراة الگابون نهار الثلاثاء المقبل، غادي يبقاو فالسعيدية باش يوجدوا لماتش الجزائر نهار السبت جاي.