مغنية مغربية غبرات هادي قرن وزمارة ورجعات باغية تبدل سميتها ومعلقين: مابقاتش فالسمية! – تدوينة

المغنية سكينة الشيكاوي لي تعرفات هادي 3 سنين بعد مشاركتها في برنامج “ستار أكاديمي” في لبنان مدارت حتى شي عمل فني من بعد، ومعروفة غير فانستكرام ديالها كبلوگوز.
البارح وبعدما صبغات شعرها بالصفر وبانت بلوك جديد دارت اعلان قالت فيه انها باغة تبدل اسمها وترجعو “ريماس المغربية” وبغات رأي المعلقين وأكدات انها اختارت “مغربية” حيت كتفتاخر بالجنسية ديالها.
بزاف قالو ليها أن الاسم مازوينش وولفوها باسمها العادي، وكاين لي كتب ليها ان الاسم الفني ماشي مهم بقدر ما انها خاص تخدم على راسها ودير أعمال تبان بيهم.
View this post on Instagram
بونجوغين الزوينين ديالي كنتمنى أنكم تكونو بخير وعلى خير بغيت نقولكم انه خديت خطوة جديدة وبغيت نشاركها معاكم بحكم أنكم أصحابي وأحبابي و رأيكم يهمني قررت تغيير اسمي ونحط اسم فني بعيد على اسمي الشخصي وكان اختياري للاسم هو ريماس المغربية واللي كيعني الريماس: ماء الالماس واكيد المغربية جنسيتي اللي كنفتاخر بيها رأيكم ف تعاليق أحبابي ❤️????؟؟؟
A post shared by Soukaina Chekaoui Official (@soukainachekaouiofficial) on Sep 28, 2019 at 6:10am PDT