لقجع حضر لونتريمو ديال المحليين وطلب من اللعابة يجيبو الربح من الجزائر

فوزي لقجع، رئيس الجامعة الملكية المغربية لكرة القدم، حضر لونتريمو ديال المنتخب المحلي البارح الأربعاء، قبل ما يمشيو للجزائر اليوم الخميس، باش يلعبو الماتش ديال الذهاب نهار السبت، ضمن الإقصائيات المؤهلة إلى نهائيات كأس إفريقيا للمحليين بإثيوبيا.
لقجع اول مرة كيحضر لومنتيرمو ديال المحليين بعد تعيين الحسين عموتة مدربا للمنتخب بلاصت جمال السلامي، وشاف كيفاش كدوز التداريب.
رئيس الجامعة استغل الحضور ديالو في النيران وشجع اللعابة وطلب منهم باش يجيبو الربح من الجزائر، خصوصا وأنهم ابطال النسخة الماضية، لي نظمها المغرب ف2018.
المنتخب المحلي غادي يسافر اليوم الخميس إلى الجزائر وغادي يدرب فيها جوج ديال المرات قبل ما يلعب المباراة أمام المنتخب الجزائري نهار السبت في 19.45.
المنتخب المغربي غادي يمشي فطيارة عادية، فإطار سياسة الجامعة في ترشيد النفقات.