الحسين عموتة، مدرب المنتخب المحلي، عجبوه الدراري بعد الماتش ديال النيجر البارح فلانيكس تيران الكبير. عموتة خرج راضي على لعابة ديالو بعد الفوز بجوج لزيرو، وكان بإمكانهم إيماركيوا أكثر لولا التسرع. وقال عموتة بعد الماتش، أنه اكتشف بعض اللاعبين وطريقة لعبهم قبل ما يعمل على تحسينها، “لعابة تحسنو ويمكن يعطيو اكثر في الماتش ديال الحزائر. استفدنا بزاف منو خصوصا من ناحية الثقة والروح العالية، لي ظهرت على لعابة، وكذلك التزامهم تكتيكيا”. عموتة كان مرتاح بزاف منين هضر على الخط الدفاعي، لحقاش مخلا اي فرصة النيجر باش يماركي، وكينتظر أن يتحسن الأداء اكثر أمام بوركينافاسو نهار الأحد، قبل ما يواجه المنتخب الجزائري نهار 20 من هاد الشهر في ذهاب التصفيات الإفريقية المؤهلة إلى كأس إفريقيا للأمم بإثيوبيا 2020.
