رونار: فخور بزاف بزياش ومزواري وحكيمي

فتدوينة كتبها مدرب المنتخب المغربي ايرفي رونار شكر اللعابة المغاربة اللي كان عندهم ماتش الليلة فثمن نهاية الشامبيانس ليگ الاوربية. يتعلق الامر بنصير مروازي وحكيم زياش ديال اجاكس امستردام اللي لعبو ماتش ضد الريال وخسرو بجوج لواحد. الثالث هو اشرف حكيمي مدافع دورتموند اللي خسرات فرقتو فويمبلي ب3 لزيرو.
رونار كتب “واخا اجاكس مروازي وزياش ماركا بيت٬ لعابتنا لمغاربة خسرو بجوج لواحد ضد الكبير ريال مدريد. ليلة صعيبة كانت لفرقة اشرف حكيمي اللي خسرات ب3 لزيرو. ولكن فخور بزاف بيهم”