طيارة بريفي تنقل لعابة ديال المنتخب الأولمبي إلى باماكو

الجامعة الملكية المغربية لكرة القدم وفرات طيارة بريفي إلى لعابة وطاقم المنتخب الأولمبي بعد الماتش لي غادي يتلقا فيه مالي غدا السبت بملعب مراكش، في التصفيات الإفريقية المؤهلة إلى نهائيات الألعاب الأولمبية بطوكيو 2020.
لعابة غادي يمشيو في الطيارة مباشرة بعد الماتش، باش يربحو الوقت لأن الروتور غادي يكون نهار الثلاثاء.
باتريس بوميل، مدرب المنتخب الأولمبي طلب من الجامعة يمشي لمالي بكري باش يستعد تما ولعابة ياخدوا راحتهم ويديروا لونتريمو في الأحد والاثنين المقبلين.
الجامعة استجابت لطلب بوميل ووفرات الطيارة، خاص غير لعابة يجيبوا التأهل من باماكو.