منتخب عموتة ربح بوركينافاسو وغايمشي للجزائر الأسبوع جاي

المنتخب المحلي فاز في الماتش الثاني ديالو على منتخب بوركينافاسو اليوم الأحد بملعب مراكش، استعدادا لمباراة الجزائر في ذهاب التصفيات الإفريقية، المؤهلة إلى نهائيات كأس إفريقيا للمحليين لإثيوبيا 2020.
المنتخب الوطني فاز بواحد لزيرو على بوركينفاسو، بهدف سجله عبد الكريم البركاوي، مهاجم حسنية أكادير، في الشوط الثاني.
هاد الفوز هو الثاني للمدرب الحسين عموتة، بعدما فاز في الماتش الأول على منتخب النيجر بجوج لواحد الخميس لي فات.
المدرب عموتة دخل تشكيلة مغايرة لتلك التي اعتمدها في مباراة النبجر، لحقاش باغي يجرب كاع لعابة عاد يختار اللائحة النهائة، لي غادي يعتمد عليها في الماتش ديال الجزائر.
اللعابة بانوا مزيانيين في هاد الماتش، واخا مازال الخدمة كتستناهم، هاداكشي علاش بأن عموتة منيرفي في بعض اللحظات.
المنتخب المحلي غادي يسافر للجزائر الأسبوع المقبل، باش يلعب مع منتخبها المحلي نهار 20 في هاد الشهر بملعب مصطفى الشاكر بالبليدة في الماتش ديال الذهاب.