فرنانديز في بركان…واش غادي يكون هو المدرب الجديد

لويس فرنانديز المدرب الفرنسي المعروف مرشح بقوة لتدريب نهضة بركان في الموسم المقبل، خلفا للمدرب الوطني منير الجعواني، لقالو الفريق بعد الإقصاء من كأس العرش.
مصادر مطلعة أكدت ل”كود”، أن فرنانديز يوجد حاليا في بركان حيث كيتفاوض مع مسؤولي الفريق البركاني من أجل التعاقد معه.
البراكنة بغاو مدرب اجنبي، هادشي علاش حل فيرنانديز، واخا كاين فيهم لي باغي جمال السلامي، لأنه نجح مع الحديدة والفتح الرباطي والمنتخب المحلي.
لكن الأغلبية باغا مدرب فرانساوي يخوضوا معاه تجربة حديدة.
فرنانديز عندو سجل حافل سواء كلاعب دولي سابق أو مدرب، إذ سبق لو درب باري سان جيرمان الفرنسي، وأتلتيك بلباو وإسبانيول برشلونة الإسبانيين، وتوج بلقب البطولة الأوروبية للأندية البطلة رفقة الفريق الباريسي عام 1996.
لكن السؤال، واش غادي يقدر ينجح في مهمتو، خصوصا أنه مكيعرف والو على البطولة الوطنية.