الألعاب الإفريقية.. جيد “الصغير” غادي يحكم الماتش الفينال ديال بوركينافاسو ونيجيريا

جلال جيد الحكم المغربي هو لي غادي يحكم الماتش ديال بوركينافاسو ونيجيريا غدا السبت. ضمن منافسات الألعاب الإفريقية.
الاتحاد الإفريقي عين جلال جيد لقيادة المباراة النهائية، لحقاش بين علا حنيت يديه في الماتشات السابقة لي حكمها باقتدار.
وغادي يساعدو في المهمة ديالو جوج المغاربة هما يحيى التوالي وهشام أيت عبو.
جيد كان الاداء ديالو مزيان بزاف في السنوات الأخير، الشيء لي خلا مديرية التحكيم تعاونوا حتى حصل على الشارة الدولية العام لي فات.
هاد الحكم بدا علاقتو بالتحكيم منذ 2006، فاش دخل المدرسة ديال التحكيم في الدار البيضاء وانطلق من مباريات العصبة، حتى وصل لحكم فدرالي، ثم بدا كيحكم الماتشات ديال بروميين سيري من 2015.