مديرية التحكيم جرات على ثلاث ديال الحكام دارو فضائح تحكيمية

قررت مديرية التحكيم الوطني أنها تبعد 3 ديال الحكام على المباريات ديال الدورة 4 ديال الدوري الاحترافي لكرة القدم، بسبب أخطاء تحكيمية قاتلة داروها في الماتشات السابقة، وجبدات الصداع على الحكام والمديرية وخلاتهم التقاو انتقادات كبيرة.
المدريبية حيدات من اللائحة ديال الحكام ديال الدورة 4 الحكم جلال جيد، وعبد الرحيم اليعقوبي، وحسن الرحماني، وكلهم داروا أخطء قاتلة في الماتشات لقادوها السيمانة لدازت.
وكيبقى حسن الرحماني هو الحكم لدار الجدل بزاف بعدما عطى للدفاع الجديدي ضربة جزاء خيالية في الماتش أمام سريع وادزم، والفديو خلق ضجة كبيرة، خصوصا أن اللاعب ديال الجديد هو لدار خطأ على المدافع ديال سريع وادزم، وخلى على اعلن على ضربة خطأ عطى ضربة جزاء.
أما اليعقوبي حتى دار خطأ كبير في الماتش ديال طنجة مع الدفاع الجديدي، وتسبب في إقصاء اتحاد طنجة من كأس العرش داكشي علاش قرات المديرية توقفوا حتى هو.
التحكيم المغربي كيعاني بحالو بحال لفراقي دائما الأخطاء وكثرة الاحتجاجات، بسبب منح الحكام لضربات جزاء أو الإعلان عن أهداف من أخطاء مكيناش.