واش المسؤول على فاجعة مقتل 7 فتيران ضواحي تارودانت هو رئيس الجماعة ولا المهندس ولا الحكومة

شكون المسؤول على فاجعة مقتل 7 مواطنين فتيران للكورة فجماعة باقليم تارودانت. داهم الواد كلهم البارح. هاد الملعب تفتاتح هادي 10 ايام فقط. بالضبط نهار 18 واش رئيس الجماعة واللي معاه هما المسؤولين حقاش دارو تيران فالواد؟
ماشي بوحدهم. مسؤوليتهم ثابتة ولكن الجماعة فيها مهندس. هو اللي كيفهم هو اللي كيوافق مع مصالخ اخرى فالترخيص لملعب كرة، قبل هاد المهندس اللي فالجماعة ولا الحكومة اللي ما واقباتش.
حدا الواد كاينين ناس بانيين ديورهم. هنا مسؤولية السلطات اللي كتعطي الرخص واللي كتراقب البناء.
لفضيحة فهاد الفاجعة ان الدولة كلها عريانة كلها مسؤولة على قتل مواطنيها. المواطنون حتى هما عندهم مسؤولية. كيعرفو باللي ما يمكنش اللعب مع الواد.
ثم الدولة مسؤولة. مديرية الارصاد الجوية دارت نشرة انذارية البارح. كيفاش لخبار ما طلعاتش للجماعة. هادي كتمشي لوزارة الداخلية وغيرها من الوزارات وكتوزع على مصالحها فالمغرب. كيفاش التواصل ما خدمش باش ما توقعش الفاجعة. بلاد من سلطة من مواطنين كل واحد عندو مسؤولية ولكن مسؤولية كل واحد مختالفة نسبتها. الدولة غارقة فالمسؤولية
ها المسؤولين على فاجعة ملعب تيزيرت بجماعة إيمي نتيارت بتارودانتبانيين تيران وسط الواد وكيدشتو فيه فرحانين
Publiée par GOUD sur Jeudi 29 août 2019