كومان: إحاتارين ما غاديش يلعب مع المغرب وعائلتو هي لي تقرر

رونالد كومان، مدرب هولندا ماعجبوش الحال منين المنتخب الوطني استدعى محمد أمين إحاتارين، مهاجم بي اس في اندهوفن.
وقال كومان في تصريح صحفي ل”ستوديو فوتبال” الهولندي، إنه تكلم مع هاد اللاعب في ليامات الأخيرة وواعدو باش يعيط ليه للمنتخب الهولندي الأول، لكن ما شي دابا.
واضاف أن إحاتارين لاعب مزيان بزاف وغادي يكون عندو مستقبل كبير.
كومان لي حقق نتائج جيدة مع هولندا، أكد في هاد التصريح أن إحاتارين ما غاديش يلعب مع المغرب في المباراتين المقبلتين امام بوركينافاسو والنيجر، لحقاش خاصو ترخيص أولا من الفيفا، لأنه سبق لي لعب مع منتخب الشباب ديال هولندا، وهادشي خاصو وقت طويل.
وتابع كومان أن إحاتاربن مازال مقررش مع من غادي بلعب واخا عيطلو مدرب المغرب وحيد خاليلوزيتش، ومازال كيفكر بمساعدة عائلته، لي حتى هي غادي تقرر في نهاية المطاف.
وسبق للاعب محمد إحاتارين البالغ من العمر 17، أن أكد في تصريحات صحافية أنه لم يحسم بعد في المنتخب، لي غادي يلعبو مستقبلا.