قربالة في هولندا بعد استدعاء إحاتارين للمنتخب

الإعلام الهولندي منوض قربالة بعد استدعاء محمد أمين إحاتارين إلى المنتخب الوطني من قبل الناخب الوطني الجديد وحيد خاليلوزيتش.
اللاعب المغربي الشاب البالغ من العمر 17 كيواجه ضغوطات كبيرة من قبل الصحافية الهولندية وبعض المقربين باش ما يقبلش الدعوة ديال الجامعة لحتاش مدرب ديال هولندا رونالد كومان باغيه.
القنوات الفضائية الهولندية بدات كتشن حملة على الجامعة وحدرت المسؤولين الهولنديين باش ما يتقلبوش عاوتاني في هاد الموهبة المغربية، بعدما تقولبو في حكيم زياش ونصير مزراوي وأسامة الإدريسي وزكرياء لبيض وأسامة سعيدي وغيرهم.
خاص الجامعة تحرك من دابا باش تاهل اللاعب إحاتارين وتصل بوالديه باش تقنعهم وإلا غادي يطير منها، خصوصا بعدما أكد أنه لم يحسم بعد في اختياره.