مافيا التهريب خدامة. طلقات فيديو عندو عامين حقاش الجمارك زيرو عليهم وطلقوها للاشاعات

خطة قديمة ولكن ديما ايفيكاس. بغيتي الخدمة فشي حد خدام. طلق ليه شي فيديو قديم وردو فيديو جديد واراك للتهم. هاد الشي اللي وقع فباب سبتة. فيديو عندو عامين فيه شي ديوانة كيضرو لعيالات اللي كيعيشو بالتهريب فهاد النقطة الحدودية.
علاش فيديو قديم فهاد الوقت. هاد الشي عندو علاقة مع التزيار اللي دارتو الديوانة لمافيا التهريب ديال الطونوبيلات يشرح مصدر من الجمارك ل”كود”.
وفق مصدر “كود” فان شبكات التهريب عينها فالمسؤول الجديد اللي زير عليهم. فهاد الشي جابو فيديو يقدر يجيب تعاطف كبير من المواطنين