“كود” في قلب المقهى اللّي علقات اللاّفتة ديال “أنا مغربي إذن أنا جزائري” ودارت ضجة.. ها شنو گال مولها والمشجعين فالقهوة – فيديو

[email protected]
“كود” تابعات المباراة اللي جمعت بين المنتخب الجزائري ونظيره الغيني، واللي انتهت بفوز الجارة الجزائر بثلاثية نظيفة، وأهلتها لمثن النهائي في بطولة كأس الأمم الإفريقية 2019، (تابعت) في المقهى اللي تعلقات فيها اللافتة ديال “أنا مغربي إذن أنا جزائري” ودارت ضجة كبيرة.
مسير المقهى قال ل”كود” بعد الهدف الأول اللي هز الشباك الغيني: أحيّي الجزائر على الهدف الاول واتمنى من الله تبقا رابحة وتعوضنا شويا على الخسارة ديال المنتخب المغربي اللّي خلات فينا واحد الحرقة فقلبنا”.
مشجع من المقهى اللي خرجات منها انا مغربي إذن انا جزائي: جيرانا بغينا ليهوم الانتصار
Publiée par GOUD sur Dimanche 7 juillet 2019
وأضاف قائلا: “هاد الحرقة تصاب بيها كولشي أطفال وناس كبار وكولشي كيبكي بواحد الحرقة معمر جا بيها زمان. وحنا ديما خاوة خاوة وكنموتو على الجزائر، والمهم الأسود خاصهوم يرجعو الأوراق ديالوم وحتى السي لقجع”.
والمقهى كان فيها حماس كبير وكولشي مشجع الجزائر. أحد المشجعين تأسف لخروج “أسود الأطلس” من الكان”. وقال ل”كود”: الكرة هي هادي والمغرب نتمناو ليه مستقبل والجزائريين جيرانا”.
وأضاف قائلاً: الجيران ديالنا نتمناو ليهم الانتصار وكونا باغيين المغرب تدوز لكن دبا حنا نشجع الجزائر حقاش كيبقاو في جميع الأحوال جيران ديالنا”.