بوسة ” بوش آ بوش” ديال نسرين الراضي ولبنى أزبال في “كان” مرونة الدنيا في المغرب -صور

الممثلتان المغربيتان نسرين الراضي ولبنى أزبال مثلين المغرب في مهرجان كان السينمائي في نسخته 72، هادي سيمانة دازو في للطابي غوج ومتسوق ليهم حد، لكن اليوم نوضو روينة بعدما تباوسو “بوش آ بوش” قدام عدسات الكاميرا في "كان".
تعاليق السب والشتم مابغاها حد، والناس كينعلو فيهم، والصفحات كيبارطاجيو في تصاور البوسان وكل واحد وفمو وشنو كَال.
القضية كبرات، وكاين لي اعتبر أنهم أساءوا للمغرب بهاد البوسان فالفم، وكاين لي قال غير باغيين يديرو البوز، وكاين لي متحرر وواعي شافهم كأيها الناس اي عادي هما حرات فتصرفاتهم وفداتهم وفشكون يبوسو وفوقاش يبوسوه وفين!
نسرين ولبنى مشاركين في بطولة فيلم "آدم" ديال مريم التوزاني، لي هي زوجة المخرج نبيل عيوش.