فضايح مهرجان مراكش. مغنية “خود لك زعزع” كدير الطابي غوج يوميا وكتقدم راسها كملكة جمال!

يا هاد ناس. لي قال ليكم هاد الدورة ديال مهرجان السينما فمراكش أحسن من لي دازو را غي كيكذب وطالقها عليكم.
فين هوما الممثلين؟ فين هوما السينمائين؟ وفين هوما ناس الفن…
واش ابتسام مومني صوتها مخرشش كتغني “خود لك زعزع” و”صيف سبيسيال” كتدوز في الطابي غوج كل نهار.
آش هاد العجب، وآش هاد شوهة، السيدة فمها مراجل، ماكتعرفش تدوي تا مع صحافيين، كتدوي بحالا باغة تضارب، وزايداها كتقدم راسها كملكة جمال. أواه؟
واش المهرجان ضرب بوه الخلا حتال هاد الدرجة. هادشي كيضر في الخاطر.
غير حبسو هاد المهزلة. حبسو.