شوفو فين كيوصل اللعب بعقول لمغاربة وشوفو المسيرة الشوهة فين كتوصل: ولد زورال كذب علينا ف"كود" والسيدة مسكينة طلعات كتعرفو وخايفة يديها للحبس

بوشعيب ولد زروال وكيل لائحة الاصالة والمعاصرة بسيدي بنور خاصو يحشم على عراضو وما يترشحش للانتخابات التشريعية. واخا ينجح كاين فاش يطعنو فيه. السيد اليوم دار تصريح ل"كود" قال فيه انه ما كيعرفش ديك السيدة اللي شكراتو فالمسيرة الفضيحة ديال نهار الاحد ضد بنكيران وحزبه. طلع كيكذب. السيدة خرجات ففيديو خايفة. قالت انها كتعرفو وبان بوه كان كيعيد ليها.
السيدة بغات تبعد عليه كل التهم. هادي ما شاداش. الخطير هو انها هربانة وخايفة. خايفة يديها ولد زورال للحبس. دابا جات دافع عليه وتقول انه ما عندو علاقة بالمسيرة وباللي اللي جابها جوج اخرين باش ما يورطش حزبو ولات فقضية خايبة بزاف بزاف وهي انها خايفة منو بحال ايلى هو دولة قائمة الذات. اش هاد الفضايح وصلنا ليهم. علاش هاديك العقول المدبرة لمسيرة العار خاصهم يتحاكمو. خاص كل واحد يتحاكم ويتابعوه. استغل ناس استغل بسطاء وظفهم وما عارفينش علاش جايين.