كثير من الظن ماشي غير اثم. واش بصاح ابيضار باست عيوش من فمو؟ ولا ضالمين الممثلة: "كود" جابت ليكم القصة اللي غادية تفاجأكم =الصور=

كلشي كيكول باللي لبنى ابيضار باست المخرج نبيل عيوش من فمو نهار ربحات جائزة احسن ممثلة في مهرجان الفيلم الفرنكفوني اخيرا بفرنسا عن فيلم "الزين اللي فيك".
صورة لفتاة مع المخرج وهما بوش ابوش خداتها وكالة الانباء الفرنسية محيحة فالفايسبوك وتويتر.
"كود" جابت ليكم الجواب. اللي باسها عيوش ماشي ابيضار بل مريم التوزاني صحافية وسينمائية وهي خطيبتو كانت معاه فكان. ربحو الجائزة وهو يبوسها. لبنى ابيضار ما كانتش لابسة كسوة فالابيض ديك النهار وانا لبست كسوة مختلفة /الصورة/ هي شعرها طويل وكحل وانا شعري اكاجو وقصير" تقول الممثلة ل"كود".
يعني ظلمنا السيدة وصافي "هاديك الشوفة شفتها كاملين وعقلنا عليها وحتى الوكالة راها كتبات التوزاني". وختمت تصريحها ل"كود" الله يخليكم ما تبقاوش ديوها فالاشاعات. "كود" تنشر صورة الممثلة في الحفل نفسه وشوفو وغادي يبان ليكم الفرق