أخنوش غدا بالداخلة فأكبر منتدى جهوي للأحرار بالصحرا.. وولد حرمة الله حالف يكسر هيمنة آل الرشيد على السياسة فالجنوب

منذ أسابيع ومناضلي حزب التجمع الوطني للأحرار اعضاء منسقية جهة الداخلة وادي الذهب خدامين ليل نهار إستعدادا لأكبر منتدى جهوي من نوعه غادي يترأسه عزيز أخنوش بحضور أعضاء المكتب السياسي للحزب .
كلشي فالداخلة وفالصحراء ككل كيهضر على هذا التجمع اللي غادي تحتاضنو خيمة عملاقة تبنات خصيصا فأكبر ساحة بالمدينة والتوقعات كتقول غادي يكون أكبر حضور لنشاط حزبي فالمنطقة من حيث الحضور والزخم.
ولد حرمة الله المنسق ديال الحمامة بالجهة حالف باش يكسر الهيمنة ديال أهل الرشيد على الإنتخابات فالصحراء، وكيقول فجميع الإجتماعات ديال التحضير للنشاط باركة من التبعية للعيون، وباركة من دور الكومبارس، الداخلة خاصها تشد حقها وتقول كلمتها و يكون عندها القرار عند ولادها ماشي في العيون .