نايضة بين عائلة الغاوي.. محمد: عشت فالفقر.. خوتو: كذاب فين عمرك شفتيه

المغني محمد الغاوي خرج بتصريحات مثيرة في برنامج “فاص آ فاص” على قناة “شدى تيفي” وقال أنه خدم كمعلم باش ينقد العائلة ديالو من الفق،ر وكان ضروري خاصو يساعد الأب ديالو باش يكمل التربية ديال الاخوة حيت هو الكبير فيهم.
خوتو 6 بينهم 4 ديال البنات معطلوهش، ودارو فيديوهات كيكذبو فيه، ختو لطيفة فرشاتو وعطاتو القاصح وجبدات ليه الوذنين مزيان حيت على حسب كلامها هو غير كذاب وعمرو مشاف الفقر ولا عاشو.
والأخت لي قلبها طايب ومعجبهاش اش قال الغاوي جبدات ليه القديم والجديد، وقاتلو: “واش مكتحشمش فين عشتي الفقر كنتي نت المخير نت المفضل، حشومة وعيب وعار عليك، نهار تزوجتي ذبحنا لك البكَرة والعجل. فين عمرك الكذاب مشيتي على رجليك ونت أول واحد دار هوندا”.
الأخت ديالو قالت أنه معقلش على والديه، وكيقلب غير على الشعبوية والبوز، وكون مكانش خوه عبد العالي كون والديه راهم في زنقة. واضاف اخته: “نت ممثل عفريت، وتجي معاك أحسن ممثل والا كنتي مخرج غادي تكون حسن كاع حيت كذاب ونصاب ومحتال”.
الهضرة لي قال محمد معجباتش خوتو، وناضو ليه نوضة ديال رجل واحد، والفيديوهات ديالهم دارت بوم. ضربو ليه أحسن شوهة عائلية.