معطلوهش. الحباس المغربي الي غفل البارح البوليس فالطاليان وهرب شدوه (فيديو)

بعد ساعات من هرب السجين المغربي ، من مستشفى فمدينة “سان ريمو” الإيطالية ، تمكنات عناصر الشرطة من إعتقالو ، ولقاوه كيستركل وسط المدينة والمينوط باقي فيديه.
وعلنات البارح مصالح الأمن “فسان ريمو ” عن دخولها فحالة استنفار ، بعدما هرب السجين المغربي الخطير الي سميتو “عبد الحميد سلمان”، وفعمرو 25 سنة، ومحكوم عليه ب 18 عام سجنا ، بعد التورط ديالو فمجموعة من الجرائم ، أخطرها محاولة تصفية ربعة ديال الأشخاص طعنا بسكين .
ورصدات مكانو البارح بالليل وحدة أمنية ، فوسط المدينة ، كيتسركل بحالا مداير والو ، وهو مخبي المينوط لي كان باقي فيديه بواحد الجاكيط .