لجن مركزية من وزارتي الثقافة والاتصال والأوقاف مشات لمعرض الكتاب

omarelmouzaine@gmail.com
علمت “كود”، من مصادر جيدة الاطلاع، أن لجن تفتيش مركزية تابعة لوزارتي الثقافة والاتصال والأوقاف والشؤون الإسلامية، مشات للمعرض الدولي ديال الكتاب والنشر فكازا لي غادي تكون فيه دولة إسبانيا هي ضيف الشرف، واللي غادي يبدا ما بين 7 إلى 17 فبراير 2019.
حسن الوزاني، مدير مديرية الكتاب والخزانات والمحفوظات، قال في تصريح ل”كود”، أن هاد اللجنة لي تابعة لوزارة الثقافة والاتصال ووزارة الأوقاف المهام ديالها هو مراقبة الكتب ديال التكفير أو التطرف او ما شبه ذلك، مشيرا إلى أن الزيارة ديالها عادية جدا وكتجي كول عام.
وأضاف المتحدث، قائلاً: “اللجن المذكورة راها بدات تدير زيارات ديالها للمعرض قبل افتتاحه وهادشي عادي ومعروف ان أي معرض كتكون فيه لجن مختلطة وفالعالم كولو ماشي غير فالمغرب”، قبل أن يضيف ان هاد اللجنة كتراقبو حتى لكتب لي يكون فيها مس بالمقدسات او بالتوابث وبالصحرا المغربية على الخصوص”.