البرلمان:شعلات بين الاحرار والبي جي دي بسبب الفلاحة والمخطط الأخضر

omarelmouzaine@gmail.com
قبل قليل من عصر اليوم الإثنين شعلات بين فريقي العدالة والتنمية والتجمع الوطني للأحرار بسبب الفلاحة والمخطط الأخضر. النائب البرلماني عبد الله بووانو انتقد بشدة الطريقة ديال التعامل مع الفلاحين الصغار من قبل الوزارة الوصية، ودعا الوزير عزبز أخنوش لي حاضر اليوم ف الجلسة البرلمانية الأسبوعية باش يقدمو الدعم لهاد الفئات من المغاربة.
خروج عبد الله بووانو قلّق بزاف الفريق ديال “الحمامة” بالغرفة الأولى. البرلماني التجمعي مصطفى بيطاس بغا يرد على بووانو واعتبر خروجو غير مزايدات وصافي. بوانو كعا عليه وقاليه أجي فبلاصت الحكومة وهضر.
الوزير عزيز أخنوش في رده على بووانو قال على أن الفلاح عندو القيمة ديال وعندو استثمارات ديالو، مضيفا: “نحن نتعاون مع الفلاح الصغير وخاصكوم تعرفو أن الليمون اطلع التصدير ديال ب12 في المائة وتجاووزنا المرحلة لي كانت صعيبة والأثمنة ديالها مستقرة وكاين إشكالية ديال السوق الداخلية والخارجية وراني كلست مع المؤسسات المعنية”.
وأضاف الوزير أخنوش: “انا قلت داكشي لي ف قلبي وكنحس بيه”.